Codashop ເປີດຕົວຮູບໂສມໃໝ່ທີ່ໂດດເດັ່ນ

 


ການປັບຮູບໂສມໃໝ່ທີ່ມີພະລັງສະແດງໃຫ້ເຫັນເຖິງຄວາມກະຕືລືລົ້ນຂອງບໍລິສັດທີ່ຈະນຳເອົາເກມມືຖື ແລະຄວາມບັນເທິງອອນໄລນ໌ກ້າວໄປອີກລະດັບ.

 

ນະສິງກະໂປ, ວັນທີ 09 ກັນຍາ 2021- Codashop, ແຫຼ່ງອິດສະຫຼະຊັ້ນນຳສຳລັບເນື້ອຫາດິຈິຕອນ ແລະການໃຊ້ຈ່າຍໃນເກມ, ຫາກໍ່ອອກຕົວຮູບລັກໃໝ່ທີ່ໂດດເດັ່ນເຊິ່ງສະທ້ອນເຖິງຄວາມກະຕືລືລົ້ນຂອງຕົນໃນການນຳເອົາເກມໄປສູ່ອີກລະດັບ ໂດຍການເຮັດໃຫ້ຜູ້ໃຊ້ມີຄວາມຄິດສ້າງສັນຫຼາຍຂື້ນກັບການຫຼິ້ນຂອງເຂົາເຈົ້າ.

 

ຮ້ານຄ້າເນື້ອຫາດີຈີຕອລຂອງ Codashop ອະນຸຍາດໃຫ້ຜູ້ໃຊ້ສາມາດນໍາເອົາຕົວເອງໄປສູ່ໂລກເກມທີ່ເຂົາເຈົ້າຕ້ອງການໂດຍການຊ່ວຍໃຫ້ເຂົ້າເຖິງລາຍການ ຫຼື ໄອເທັມໃນເກມໄດ້ທັນທີ ແລະປັບແຕ່ງຕາມແບບຂອງພວກເຂົາເອງ. ໄຊຊະນະຈະຫອມຫວານກວ່າຫາກປະກອບດ້ວຍຊຸດໃໝ່ ຫຼື ອາວຸດສຸດເທບ!

 

ໂດຍຄຳອ້າງອີງຈາກເກມ ແລະ ການບໍລິການອອນໄລນ໌ອື່ນໆທີ່ລູກຄ້າມັກ, Codashop ຈຶ່ງໄດ້ເສີມສ້າງແບຣນຂອງຕົນເພື່ອໃຫ້ການເຂົ້າໃຊ້ບໍລິການ Codashop ບໍ່ແມ່ນຢຸດຄວາມມ່ວນໄວ້ຊົ່ວຄາວ ແຕ່ຄືການຂະຫຍາຍເວລາການຫຼີ້ນຕະຫຼອດປະສົບການການຊື້.




Codashop ຄືເວທີທາງເລືອກສໍາລັບການນຳເອົາປະສົບການດິຈິຕອລໄປສູ່ອັນດັບສູງສຸດ, ສະນັ້ນຮູບໂສມໃໝ່ຂອງຜະລິດຕະພັນແລະການຕະຫຼາດແມ່ນບໍ່ມີຫຍັງປ່ຽນແປງ ພຽງແຕ່ປັບໃຫ້ສີອ່ອນລົງເທົ່ານັ້ນ. ການອອກແບບທີ່ສົດຊື່ນແລະສະດຸດຕາ ໄດ້ແຮງບັນດານໃຈຈາກການອຸທິດຕົນຂອງແບຣນເພື່ອເພີ່ມລະດັບໃຫ້ເກມຂອງທ່ານ.

 

ການອອກແບບໄດ້ຖືກພັດທະນາໂດຍ DesignStudio, ເຊິ່ງສາມາດຖ່າຍທອດຈິດວິນຍານຂອງບໍລິສັດຊັ້ນນໍາອື່ນໆເຊັ່ນ Riot Games, Tencent, ແລະ Airbnb.

 

ການປ່ຽນໃໝ່ເປັນສ່ວນໜຶ່ງຂອງຍຸດທະສາດຕໍ່ເນື່ອງຂອງ Codashop ໃນການວາງຕຳແໜ່ງຕົວເອງໃຫ້ເປັນຫຸ້ນສ່ວນທີ່ນິຍົມ ແລະ ຂາດບໍ່ໄດ້ສໍາລັບຜູ້ເຂົ້າຮ່ວມທັງໝົດໃນຊຸມຊົນເກມ. ນີ້ສະແດງໃຫ້ເຫັນເຖິງຄຳສັນຍາຂອງບໍລິສັດທີ່ຈະກ້າວໄປອີກລະດັບສຳລັບລູກຄ້າແລະຜູ້ເຜີຍແຜ່, ແລະຄວາມມຸ່ງໝັ້ນຂອງການຫຼີ້ນພ້ອມປະສົບການທີ່ສ້າງສັນ.

 

ຕົວຕົນອັນໃໝ່ນີ້ຈະເລີ່ມອອກສູ່ຕະຫຼາດທັງໝົດ 40 ປະເທດ ທີ່ Codashop ໃຫ້ບໍລິການ.

 

ການເຕີບໂຕຢ່າງຕໍ່ເນື່ອງຂອງ Codashop

 

ການປ່ຽນແປງໃໝ່ນີ້ແມ່ນເກີດຈາກການເຕີບໂຕຢ່າງວ່ອງໄວຂອງ Codashop ໃນສອງປີຜ່ານມາ. Coda Payments, ບໍລິສັດແມ່ຂອງ Codashop, ໄດ້ຖືກຕັ້ງຊື່ເປັນບໍລິສັດທີ່ເຕີບໂຕໄວທີ່ສຸດອັນດັບ 28 ໃນພາກພື້ນອາຊີປາຊີຟິກໂດຍ Financial Times, ແລະ ເປັນບໍລິສັດ fintech ທີ່ເຕີບໂຕໄວທີ່ສຸດເປັນອັນດັບສອງເປັນເວລາ 2 ປີ.

 

ນອກຈາກການສະໜັບສະໜູນທີ່ເດັດດ່ຽວຂອງ Codashop ຕໍ່ເກມເມີ, ຄວາມໄດປຽບນັ້ນມາຈາກຄວາມເຊື່ອທີ່ວ່າ ວິທີການຊຳລະເງິນຂອງຜູ້ໃຊ້ບໍ່ຄວນກະທົບກັບວິທີການຫຼີ້ນຂອງເຂົາເຈົ້າ. Codashop ຍອມຮັບຊ່ອງທາງການຊຳລະເງິນຫຼາຍກວ່າ 250 ຊ່ອງທາງ. ສະນັ້ນນັບແຕ່ຜູ້ທີ່ບໍ່ມີບັດເຄຣດິດ ຫຼື ບໍ່ສາມາດເຂົ້າເຖິງທະນາຄານກໍ່ສາມາດມ່ວນຊື່ນ ແລະ ເຂົ້າເຖິງຄວາມບັນເທີງທາງດິຈິຕອລໄດ້. ຜູ້ໃຊ້ນິຍົມ Codashop ເພື່ອຊື້ເຄຣດິດໃນເກມ ແລະ ເພີດເພີນກັບຂໍ້ສະເໜີຕ່າງໆ ສຳລັບເກມຍອດນິຍົມ. 

 

ໃນເດືອນສິງຫາທີ່ຜ່ານມາ, Codashop ໄດ້ເປີດຕົວ Codacash, ລະບົບກະເປົ໋າເງິນແບບດິຈິຕອລທີ່ອະນຸຍາດໃຫ້ຜູ້ໃຊ້ສາມາດເຂົ້າເຖິງໂບນັດທີ່ດຶງດູດໃຈຫຼາຍຂື້ນສະເພາະໃນ Codashop ເທົ່ານັ້ນ. Codacash ຈະຄ່ອຍໆວາງຈຳໜ່າຍຢູ່ໃນຕະຫຼາດທັງໝົດທີ່ Codashop ມີຢູ່ ແລະ ປະຈຸບັນມີຢູ່ໃນມາເລເຊຍ ແລະ ຟີລິບປິນ. 

 

ທ່ານ Guillaume Noé, ຮອງປະທານຝ່າຍການຕະຫຼາດຂອງ Coda Payments ກ່າວວ່າ: “ການຂະຫຍາຍຕົວໄວຂອງພວກເຮົາເກີດຈາກການຮ່ວມມືທີ່ເຂັ້ມແຂງຂອງພວກເຮົາກັບຜູ້ເຜີຍແຜ່ເກມທີ່ໃຫຍ່ທີ່ສຸດ ແລະຜູ້ໃຫ້ບໍລິການວິທີການຊໍາລະເງິນຫຼາຍກວ່າ 250ຊ່ອງທາງ ໃນ 40ປະເທດ. ພວກເຮົາຫວັງວ່າຈະນໍາເອົາເກມມືຖືທີ່ໜ້າຕື່ນເຕັ້ນຫຼາຍຂຶ້ນມາໃຫ້ກັບຜູ້ຊົມຂອງພວກເຮົາ ແລະສ້າງໃຫ້ການຫຼີ້ນເກມກ້າວສູ່ລະດັບໃໝ່”.

 

Codashop ກຳລັງສືບຕໍ່ຂະຫຍາຍໄປສູ່ປະເທດໃໝ່ໆ ແລະຫາກໍ່ເປີດຕົວໃນປະເທດເກົາຫຼີໃຕ້.

 

###

ກ່ຽວກັບ Codashop and Coda Payments

Codashop ເຊິ່ງດຳເນີນການໂດຍ Coda Payments ໄດ້ກາຍເປັນແຫຼ່ງເກມ ແລະສະກຸນເງິນໃນເກມທີ່ເຊື່ອຖືໄດ້ສຳ ລັບຜູ້ຫຼີ້ນເກມຫຼາຍລ້ານຄົນທົ່ວໂລກCodashop ເຮັດໃຫ້ຜູ້ໃຊ້ສາມາດເລືອກຊ່ອງທາງການຊຳລະເງິນຫຼາຍກວ່າ 250 ຊ່ອງທາງທີ່ປອດໄພ ແລະ ສະດວກມີຜູ້ເຂົ້າເບິ່ງຫຼາຍກວ່າ90 ລ້ານເທື່ອທຸກໆເດືອນ.

ສ້າງຕັ້ງຂຶ້ນໃນປີ 2011, Coda Payments ຊ່ວຍຜູ້ໃຫ້ການບໍລິການເນື້ອໃນດິຈິຕອລສ້າງລາຍໄດ້ຈາກຜະລິດຕະພັນ ແລະການບໍລິການຂອງເຂົາເຈົ້າຢູ່ໃນຫຼາຍກວ່າ 30 ຕະຫຼາດຜູ້ສ້າງເກມຊັ້ນນຳເຊັ່ນ Moonton (Mobile Legends: Bang Bang), Garena (Free Fireແລະ Tencent (PUBG Mobile), ຊ່ອງທາງ  streaming ເຊັ່ນ beIN ແລະ Bigo Liveແອັບເຊັ່ນ Tinderແລະ ຊ່ອງທາງ video-on-demand ເຊັ່ນ Viu ໄດ້ເຂົ້າຮ່ວມກັບ Coda Payments ເພື່ອຮັບເອົາການຊໍາລະເງິນດັ່ງກ່າວ.

Coda Payments ມີສຳນັກງານໃຫຍ່ຕັ້ງຢູ່ສິງກະໂປ ແລະມີສາຂາ ຕື່ມອີກຫຼາຍສິບແຫ່ງໃນທົ່ວໂລກໄດ້ຮັບການສະໜັບສະໜູນຈາກ Apis Partners ແລະ GMO Global Payment FundO, ບໍລິສັດຈັດການຍຸດທະສາດເຊັ່ນ GMO Payment Gateway ເຊິ່ງເປັນຊ່ອງທາງການຈ່າຍເງິນອອນໄລນ໌ທີ່ໃຫຍ່ທີ່ສຸດຂອງຍີ່ປຸ່ນເມື່ອບໍ່ດົນມານີ້ Coda Payments ໄດ້ຖືກຕັ້ງຊື່ເປັນບໍລິສັດທີ່ເຕີບໂຕໄວທີ່ສຸດອັນດັບທີ 28 ໃນພາກພື້ນອາຊີປາຊີຟິກໂດຍ Financial Times (ເຮັດໃຫ້ມັນກາຍເປັນບໍລິສັດfintech ທີ່ເຕີບໂຕໄວທີ່ສຸດເປັນອັນດັບສອງໃນພາກພື້ນຂອງຕົນ)ບໍລິສັດທີ່ເຕີບໂຕໄວທີ່ສຸດອັນດັບ 8 ຂອງສິງກະໂປໂດຍ Straits Timesແລະຜູ້ບຸກເບີກເຕັກໂນໂລຍີໂດຍ World Economic Forum.

 

ສໍາລັບຂໍ້ມູນເພີ່ມເຕີມກ່ຽວກັບ Codashop, ກວດເບິ່ງເວັບໄຊທ໌ ແລະ ສື່ອອນໄລນ໌ໄດ້ທີ່:

 

https://www.codashop.com/
https://www.youtube.com/c/CodashopOfficial

 

Press Contact

press@codapayments.com



Share on Google Plus

About laoyouthradio

ສະບາຍດີ ສະຖານີວິທະຍຸ ຊາວໜຸ່ມລາວ ສິນໄຊຍຸກໃໜ່ ແມ່ນສະຖານີສໍາຫຼັບຄົນໜຸ່ມ ແລະ ຫົວໃຈຍັງໜຸ່ມ, ກະຈາຍສຽງຈາກນະຄອນຫຼວງວຽງຈັນ, ສປປ ລາວ. Lao Youth Radio Station is a station for young and young at heart listeners, broadcasting from Vientiane Capital, Lao PDR.
    Blogger Comment
    Facebook Comment

0 comments:

Post a Comment