ຫວຽດນາມ ຈະສືບຕໍ່ໃຫ້ທຶນ 1,213 ທຶນ ແກ່ ສປປ ລາວ


ປີ 2020, ຫວຽດນາມສືບຕໍ່ໃຫ້ທຶນການ ສຶກສາແກ່ລາວຈຳນວນ 1.213 ທຶນ (ລວມທັງທຶນປ້ອງກັນຊາດ, ປ້ອງກັນຄວາມສະຫງົບ), ໃນນັ້ນ, ທຶນຈາກກະຊວງສຶກສາ ແລະ ກໍ່ສ້າງ ສສ ຫຽວດນາມ ໃຫ້ແກ່ກະຊວງສຶກສາທິການ ແລະ ກິລາ ຂອງລາວ ລວມມີ 508 ທຶນ ປະກອບມີ:  ທຶນການສຶກສາໄລຍະຍາວ 413 ທຶນ ແລະ ບຳລຸງໄລຍະສັ້ນ ຈຳນວນ 95 ທຶນ. ສ່ວນຝ່າຍລາວໃຫ້ທຶນການສຶກສາແກ່ ສສ ຫວຽດນາມ ຈຳນວນ 60 ທຶນ (ປະລິນຍາໂທ 5 ທຶນ ນອກນັ້ນແມ່ນທຶນປະລິນຍາຕີ ແລະ ຮຽນພາສາລາວ). 

ພິທີເຊັນສັນຍາການໃຫ້ ທຶນດັ່ງກ່າວແມ່ນໄດ້ຈັດຂຶ້ນ ເນື່ອງໃນໂອກາດ ກອງປະຊຸມຄັ້ງທີ 42 ປະຈໍາປີ 2020 ຂອງ ຄະນະກຳມະການຮ່ວມມືທະວິພາຄີ ລະຫວ່າງລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ. ຫວຽດນາມ ໃນວັນທີ 04 ມັງກອນ 2020 ຜ່ານມາ, ທີ່ ນະຄອນຫຼວງຮ່າໂນ້ຍ, ເຊັນໂດຍຕາງໜ້າກະຊວງສຶກສາທິການ ແລະ ກິລາຂອງລາວ ແລະ ຕາງໜ້າຈາກກະຊວງສຶກສາ ແລະ ກໍ່ສ້າງ ຂອງ ສສ. ຫວຽດນາມ ຊຶ່ງເປັນສັກຂີພິຍານໂດຍທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ແລະ ທ່ານ ຫງວຽນ ຊວັນ ຟຸກ ນາຍົກລັດຖະມົນຕີ ແຫ່ງ ສສ ຫວຽດນາມ. 

ປີ 2019 ທີ່ຜ່ານມາ, ລັດຖະບານ ສສ. ຫວຽດນາມກໍ່ໄດ້ໃຫ້ທຶນການສຶກສາແກ່ລາວ ລວມທັງໝົດ 1.273 ທຶນ ໃນນີ້ລວມມີທຶນໄລຍະສັ້ນ ແລະ ຍາວ, ໃນແຜນການຮ່ວມມື ແມ່ນ 1.000 ທຶນ ແຕ່ເພີ່ມອີກ 273 ທຶນບຳລຸງໄລຍະສັ້ນ. 

ຂ່າວ: ສົມພາວັນ
ວຽງຈັນທາມລາວ
Share on Google Plus

About laoyouthradio

ສະບາຍດີ ສະຖານີວິທະຍຸ ຊາວໜຸ່ມລາວ ສິນໄຊຍຸກໃໜ່ ແມ່ນສະຖານີສໍາຫຼັບຄົນໜຸ່ມ ແລະ ຫົວໃຈຍັງໜຸ່ມ, ກະຈາຍສຽງຈາກນະຄອນຫຼວງວຽງຈັນ, ສປປ ລາວ. Lao Youth Radio Station is a station for young and young at heart listeners, broadcasting from Vientiane Capital, Lao PDR.
    Blogger Comment
    Facebook Comment

0 comments:

Post a Comment