ແຫຼ່ງທ່ອງທ່ຽວປັບປຸງໃໝ່ ຂຸນກອງແລງ ໃກ້ຈະເປີດໃຫ້ບໍລິການແລ້ວ

ມັກກັນຫຼືບໍ່ ກັບການປັບປຸງທັດສະນີຍະພາບ ເຂດທ່ອງທ່ຽວແຫລ່ງທ່ອງທ່ຽວຂຸນກອງແລງ ແຂວງຄໍາມ່ວນ ແບບນີ້ ? 

ໂຄງການພັດທະນາ ແຫລງທ່ອງທ່ຽວ ຂຸນກອງແລງ ແມ່ນໜຶ່ງໃນໂຄງການທີທາງ ບໍລິສັດ ອິນທຣາໂຄໂປເຣຊັນ ຈຳກັດຜູ້ດຽວ ໄດ້ຮັບອະນຸມັດໃນການສຳປະທານ ເພື່ອພັດທະນາແຫລ່ງທ່ອງທ່ຽວ ແລະ ການພັດທະນາກະສິກຳແບບອະນຸລັກທຳມະຊາດ, ຍືນຍົງ, ສີຂຽວ ໂດຍການມີສ່ວນຮ່ວມຂອງປະຊາຊົນບັນດາເຜົ່າ. ມາຮອດປະຈຸບັນແມ່ນສຳເລັດແລ້ວ 50%, ຄາດວ່າຈະເປີດບໍລິການໃນປີໃໝ່ລາວ 2020. ຂຸນກອງແລງເປັນສະຖານທີ່ທ່ອງທຽ່ວທາງທຳມະຊາດຕັ້ງຢູ່ບ້ານາຄື ເມືອງຫິນບູນ ຕາມເສັ້ນທາງເລກທີ 13 ໃຕ້, ຫ່າງຈາກຕົວເມືອງຫິນບູນປະມານ 20 ກິໂລແມັດ.

 ທ່ານ ພັນທະຈິດ ອິນທິລາດ ປະທານ ບໍລິສັດ ອິນທຣາໂຄໂປເຣຊັນ ຈຳກັດ ຜູ້ດຽວ ເປີດເຜີຍວ່າ: ກິດຈະກຳທີ່ໄດ້ກະກຽມໄວ້ຄອຍບໍລິການໃຫ້ແກ່ນັກທ່ອງທ່ຽວໃນເຂດພັດທະນາມີທັງໝົດ 30 ລາຍການ, ສ່ວນຫລາຍແມ່ນກິດຈະກຳແບບປະຈົນໄພໃນຮູບແບບທຳມະຊາດ, ສຳຫລວດ, ເດີນປ່າ, ເດີນເຂົາ, ປີນພູ, ລົດຖີບເສືອພູເຂົາ, ກິດຈະກຳທາງນໍ້າ ແລະ ອື່ນໆ. 

Cr. ຂປລ

Share on Google Plus

About laoyouthradio

ສະບາຍດີ ສະຖານີວິທະຍຸ ຊາວໜຸ່ມລາວ ສິນໄຊຍຸກໃໜ່ ແມ່ນສະຖານີສໍາຫຼັບຄົນໜຸ່ມ ແລະ ຫົວໃຈຍັງໜຸ່ມ, ກະຈາຍສຽງຈາກນະຄອນຫຼວງວຽງຈັນ, ສປປ ລາວ. Lao Youth Radio Station is a station for young and young at heart listeners, broadcasting from Vientiane Capital, Lao PDR.