ເກີດເຫດ ຈູດຂີ້ເຫຍື້ອ ແລ້ວລາມໃສ່ສວນອ້ອຍ ເສຍຫາຍ ຫຼາຍລ້ານ !!!


ຈູດຂີ້ເຫຍື້ອ ເປັນສາເຫດເຮັດໃຫ້ເກີດອັກຄີໄຟໄໝ້ສວນອ້ອຍ ເສຍຫາຍ 20 ລ້ານກວ່າກີບ. 

ວັນທີ 14 ມັງກອນ 2020 ຜ່ານມາ ທາງເຈົ້າໜ້າກອງຕໍາຫຼວດຈະລາຈອນ-ມອດໄຟ ປກສ ເມືອງສິງ ໄດ້ຮັບແຈ້ງຈາກປະຊາຊົນວ່າ: ໄດ້ເກີດອັກຄີໄພໄຟໄໝ້ສວນອ້ອຍຂອງປະຊາຊົນເຂດຢູບ້ານ ນາໃໝ່ ເມືອງສິງ ແຂວງຫຼວງນໍ້າທາໃນເວລາ 14 ໂມງ 00 ນາທີ, ດັ່ງນັ້ນເຈົ້າໜ້າທີ່ຈຶ່ງໄດ້ຮີບຮ້ອນຈັດກຳລັງ ແລະ ລົດດັບເພີ່ງ 2 ຄັນ, ໄປຫາສະຖານທີ່ເກີດເຫດ ໂດຍສົມທົບກັບປະຊາຊົນຊ່ວຍກັນສະກັດກັ້ນມອດໄຟ ເພື່ອບໍ່ໃຫ້ໄຟລຸກລາມໄປບ່ອນອື່ນ ໃຊ້ເວລາ 45 ນາທີ, ຈື່ງສາມາດສະກັດ ແລະ ຄວບຄຸມໄຟໄວ້ໄດ້. 


ໄຟໄໝ້ໃນຄັ້ງນີ້ເກີດຈາກ ທ້າວ ແຮ່ໂຊ ອາຍຸ 52 ປີ ປະຊາຊົນ ຢູ່ບ້ານປ່າຊາງ ເມືອງສິງ ໄດ້ຈູດກອງຂີ້ເຫຍື້ອຢູ່ສ່ວນຂອງຜູ້ກ່ຽວເອງ ທີ່ຢູ່ແຄມສວນອ້ອຍ, ໃນເວລານັ້ນອາກາດຮ້ອນຫຼາຍ ແລະ ມີລົມພັດແຮງ ເຮັດໃຫ້ໄຟໄໝ້ລາມໄປໃສ່ສ່ວນອ້ອຍຂອງຄົນອື່ນທີ່ຢູ່ອ້ອມຂ້າງ, ຜົນເສຍຫາຍໃນເນື້ອທີ່ປູກອ້ອຍທັງໝົດ 5 ເຮັກຕາ , ຄິດເປັນມູນຄ່າ 20.000.000 ກວ່າກີບ. 

Cr: ຂ່າວສານຫຼວງນ້ຳທາ
Share on Google Plus

About laoyouthradio

ສະບາຍດີ ສະຖານີວິທະຍຸ ຊາວໜຸ່ມລາວ ສິນໄຊຍຸກໃໜ່ ແມ່ນສະຖານີສໍາຫຼັບຄົນໜຸ່ມ ແລະ ຫົວໃຈຍັງໜຸ່ມ, ກະຈາຍສຽງຈາກນະຄອນຫຼວງວຽງຈັນ, ສປປ ລາວ. Lao Youth Radio Station is a station for young and young at heart listeners, broadcasting from Vientiane Capital, Lao PDR.
    Blogger Comment
    Facebook Comment

0 comments:

Post a Comment