ສາຍການບິນຫຼາຍສາຍ ຈາກ ສ.ເກົາຫຼີ ເລື່ອນການບິນ ມາລາວ


ສໍານັກງານ ASEANExpress ຂອງ ສ.ເກົາຫຼີ ຫຼາຍງານວ່າ 4 ສາຍການບິນຫຼັກ ຂອງ ສ. ເກົາຫຼີ ຕັດສິນໃຈ ເລື່ອນການບິນ ມາ ສປປ ລາວ ປະກອບມີ: Jin-Air, T-way, Air Busan ແລະ Jeju-Air ເນື່ອງຈາກໄດ້ຮັບອິດທິພົນ ຢ່າງໜັກໜ່ວງ ຈາກເຫດການແຜ່ລະບາດ ຂອງພະຍາດອັກເສບປອດສາຍພັນໃໝ່ COVID-19 ເຮັດໃຫ້ນັກທ່ອງທ່ຽວ ຈາກ ສ.ເກົາຫຼີ ຍົກເລີກ ການເດີນທາງອອກໄປທ່ອງທ່ຽວຕ່າງປະເທດ.​ ສາຍການບິນ ທີ່ບິນມາ ສປປ ລາວ ຫຼ້າສຸດ ແມ່ນມີຜູ້ໂດຍສານ ພຽງ 6 ຄົນ ເທິງເຮືອບິນ. 

ອິດທິພົນຂອງ COVID-19 ຍັງເຮັດໃຫ້ຈໍານວນຜູ້ໂດຍສານ ຈາກ ສ.ເກົາຫຼີ ເດີນທາງໄປ ສປ ຈີນ ຫຼຸດລົງ ເຖິງ 77% ຕັ້ງແຕ່ ການລະບາດ ຂອງພະຍາດນີ້ ເປັນຕົ້ນມາ.

ສາຍການບິນ Jin-Air ຈະຍົກເລີກຖ້ຽວບິນ ຊົ່ວຄາວ ບິນຈາກ ສະໜາມບິນ ອິນຊອນ ສ. ເກົາຫຼີ ເຖິງນະຄອນຫຼວງວຽງຈັນ ຕັ້ງແຕ່ວັນທີ່ 17 ກຸມພາ ເຖິງ 29 ມີນາ. ສາຍການບິນ T-way ຈະຍົກເລີກຖ້ຽວບິນຊົ່ວຄາວ ມານະຄອນຫຼວງວຽງຈັນ ວັນທີ 22 ກຸມພາ ເຖິງວັນທີ 28 ມີນາ. Air Busan ຈະຍົກເລີກຖ້ຽວບິນຊົ່ວຄາວ ມານະຄອນຫຼວງວຽງຈັນ ແຕ່ວັນທີ 26 ກຸມພາ ເຖິງ 31 ມີນາ ແລະ ສາຍການບິນ Jeju Airline ຈະຍົກເລີກຖ້ຽວບິນ ໃນໄລຍະວັນທີ 1 ມີນາ ເຖິງ 28 ມີນາ 2020. 


Share on Google Plus

About laoyouthradio

ສະບາຍດີ ສະຖານີວິທະຍຸ ຊາວໜຸ່ມລາວ ສິນໄຊຍຸກໃໜ່ ແມ່ນສະຖານີສໍາຫຼັບຄົນໜຸ່ມ ແລະ ຫົວໃຈຍັງໜຸ່ມ, ກະຈາຍສຽງຈາກນະຄອນຫຼວງວຽງຈັນ, ສປປ ລາວ. Lao Youth Radio Station is a station for young and young at heart listeners, broadcasting from Vientiane Capital, Lao PDR.
    Blogger Comment
    Facebook Comment

0 comments:

Post a Comment